Dialuna mainta, Minister Andin Bikker a elabora riba e situacion na Warda nos Costa. Segun Bikker e situacion na warda nos costa ta keda un reto debi na ciere di frontera cu Venezuela pa repatriacion. E ciere aki pa repatria su propio cuidadanonan, pa varios luna ta trece nos pais y warda nos costa na retonan sin precedente. Pasobra prome cu Covid, ora detene un persona y pone den prison, pe wordo deporta, den apenas un par di dia, kisas maximo den par siman, e por keda deteni y djey wordo deporta pa su pais. Awor cu e crisis di corona, nos ta bayendo pa lunas caba, unda Venezuela a cera su frontera pa su propio cuidadanonan y esey ta dificulta pa nan por wordo repatria. Esaki a pone un precion enorme riba Warda nos Costa como tambe riba full e cadena di mantencion di ordo, pa loke ta trata e LTU, ley di expulsion y admision, pasobra obviamente nos tin cuponan limita na e facilidadnan pa retene e personanan cu a falta respet na nos leynan. E facilidadnan aki no ta ta traha pa retene persona pa periodo hopi largo.
Los di esey tin personanan tambe cu a sinta un castigo na KIA, unda nan ta bini di un facilidad hopi sigura, pues manera personanan cu a comete crimennan violento, y ora nos bay deporta e personanan aki, e temponan prome cu corona, manera cu nan ta bay sali for di KIA, lo hibanan direct avion pa wordo deporta. Aworaki ta bayendo pa casi 20 persona cu a caba di sinta nan castigo y cu mester wordo deporta, pero nos tin nan reteni pa un temporada caba, pasobra no tin vuelo di regreso pa hermanda pais Venezuela, Bikker a bisa.
Kico nos ta haciendo?
Aworaki ta bezig ta renobando y ampliandonan e facilidadnan. Siman pasa den cuadro di cumbre di husticia, a bolbe trece dilanti na colega di husticia di Hulanda, pa den seno di su Gobierno, pa Minister Stef Blok intermedia na Venezuela, pa repatria e personanan aki. Tambe los di esaki ta ampliando e personal na Warda nos Costa, no obstante cu tin retonan presupuestario, e situacion sin precedente cu nos ta experienciando, cu cada ves ta bini mas persona aserca, ta bay dedica aworaki pa haci overplaatsing urgente, pa asina den e proximo dianan nos por contene e situacion aki.
Ta situacion sin precedente, pasobra regularmente tabatin vuelonan pa wordo repatria. Tabatin vuelonan semanal cu ta tuma lugar. Dje forma ey tabata mantene e fluho di persona na un nivel controlabel. Ta di spera cu pa mediacion di Reino pa sigui haci nan intento cu Venezuela, pa nos por yega na vuelonan pronto di repatiacion.
