Di acuerdo cu introduccion di GOL Airlines y expancion di e mercado Brasilero, a tene diferente reunionan clave na Brazil entre 22 di juli cu 25 di juli, 2024. E delegacion a consisti di Ronella Croes CEO di A.T.A., Jordan Schlipken Croes A.T.A. Area Director LATAM, Jo-Anne Meaux-Arends, Aviation Business Development Executive di AAA, y Carlos Barbosa di A.T.A. Brasil.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil-3_1-980x1024.jpeg)
Pa e periodo actual (YTD) juni 2024, e mercado Brasilero a aumenta cu 33% compara cu e mesun periodo den 2023. Segun strategia di diversificacion y enfoke riba segmento di High Value, A.T.A. tin como meta pa aumenta e mercado Brasilero cu 40% den 2025 compara cu 2024. Loke ta trata e mercado general di Latino America, e meta ta pa amplifica e presencia di Aruba den paisnan di entre otro, Argentina, Brasil, Chile, y Peru.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil-3-1024x942.jpeg)
GOL Airlines lo hunga un papel crucial den logra e meta aki banda di conexionan existente di Avianca cu vuelonan directo a traves di Bogota, Copa Airlines cu vuelo directo a traves di Panama, y LATAM Airlines cu vuelo directo via Lima.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil-2_1-1024x736.jpeg)
Durante e siman, e delegacion a reuni cu esnan cu ta domina benta di biahe aki na Brazil. Mayoria ta socio existente y ta mira e potential pa expande e mercado. Esakinan a inclui CVC Corp, Agaxtur, Orinter, BeFly, Viagens, AbreuTur, Decolar. Tambe a reuni cu Aeropuerto di Guarulhos y cu COPA Airlines cu a tranporta 45% di esnan cu a bishita di Brazil na aña 2023. COPA, A.T.A. y AAA lo sigui traha di serca cu otro pa expande e mercado.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil-2-866x1024.jpeg)
Puntonan di atencion den e reunionnan aki a inclui: strategia, actualisacion di e producto Aruba, colaboracion na termino corto y largo y kiko ta beneficioso pa e isla.Pa stimula e oportunidad di expande e mercado A.T.A. lo inverti mas den promocion general pa crea consientisacion referente Aruba, lo inverti den e mercado conhuntamente cu GOL y lo traha mas di serca cu esnan cu ta bende biahe den e mercado. Inversionnan den “advertising” lo subi mas cu 50% e aña aki compara cu 2023 y den aña 2025 compara cu 2023.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil_1-1024x1020.jpeg)
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balanse entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuerzonan den linea segun e balanse menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.
![](https://solodipueblo.com/wp-content/uploads/2024/07/A.T.A.-x-AAA-meetings-in-Sao-Paulo-Brazil-4-1024x722.jpeg)