Miembronan di GroenLinks y PvdA kier inclui abolicion di e monarkia den e programa electoral. Na un congreso na Rotterdam, un mayoria di mas ku 52 porciento a vota na fabor di complementa e programa pa e meta ey.
E peticionarionan di e proposicion ta considera cu emonarkia y e sucesion asosia ta obsoleto. Nan ta papia di un “simbolo di desigualdad” y ta señala e miyones cu ta bin casa real tur aña. E placa aki por bai mihor pa e personanan cu tin mas nesesidad di dje, segun e peticionarionan di e plan.
“E cas real ta costa hopi, pero no ta benefisia di dje”, un orador na congreso a bisa. “Talentonan mester ta e rolnan corecto, no nan origen”, otro orador a bisa.
Tambe a discuti e pasado di NSDAP di prins Bernard y e pasado colonial, na kende e famia real ta debe un gran parti di nan riquesa, segun un estudio reciente.
No tur hende den e rangonan di partido ta considera abolicion di e monarkia un bon plan. Asina, algun a cita e funcion simbolico di e cas real. Y tambe un repuica “no semper ta beatifica”, segun un orador.
Abolicion di e monarkia no tabata den e programa electoral di e Partidonan Cooperante GroenLinks y PvdA. A bin cu proposicionnan den cual rey Willem Alexanderlo a wordo duna solamente un funcion ceremonial y tambe lo mester a paga impuesto.
E redactornan di e programa a considera cu e proposicionnan aki tabata bay suficientemente leu, pero e miembronan di e partidonan a vota na fabor di un “republica parlamentario” den e programa electoral
