Savaneta – Dialuna marduga, un tragedia a sosode na caminda di Savaneta dilanti ex Domino’s Pizza, unda Maximillian P, cu lo cumpli 21 aña riba April 4, a perde su bida.
Un Nissan March right hand drive a bay pasa un truck di Ecotech, sin tin un bon bista riba trafico contrario, cual a resulta den un impacto frontal, garnando e brommer di e victima cu consequencia fatal pa un hoben di 20 aña cu tabata maneha e brommer.
Testigonan a splica cu e impacto tabata fuerte unda pida di e brommer a los y spart, manera e tanki di gasolin cu a pega na candela y bay dal riba tuberia di WEB.
E famia a yega na sitio y tabata un dolor inmenso. Esaki ta e di dos morto den trafico pa e aña aki. Autoridadnan a haci nan investigacion pa documenta e accidente.
E chofer di e Nissan March a keda deteni, pa motibo di no kier a coopera cu polis.
Solo di Pueblo ta extende nos condolencia na famianan.
