Diaranson anochi a drenta informe di un accidente cu hende herida na Weg Kustbaterij na San Nicolas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di e auto no a para pa duna preferencia na e pick-up. Debi na e fuerte impacto e dama a keda levemente herida. Na yegada di e ambulans nan a atende e dama na e sitio mes.
