Diasabra anochi pasa di 9’or ta sosode un accidente basta serio ariba e caminda di WVB di Cumana pa Sero Patrishi.
Polisnan mesora a sali pa e sitio.
Mas panort pasando ariba e viaducto polis ta topa cu dos auto, poco leu di otro, ambos cu hopi daño material. Velocidad hopi halto a hunga un rol, mirando con e Suzuki a kibra patras, despues cu e la wordo gedal pa e Hyundai Accent.
Tawata trata di un Hyundai Accent v-car y mas leun un Suzuki sx4.
Ambos chauffeur ta masculino, chauffeur di e Accent tawata keha di hopi dolor mientras e otro tawata mustra ok.
A pidi pa dos ambulance, unda cu na yegada di e prome unidad di ambulance nan a bay atende cu chauffeur di e Accent cu tawata esun mas herida. Algun minuut despues un segundo Ambulance a yega pa duna asistencia na chauffeur di e Suzuki.
Caminda a wordo cera na rotonde di Cumana, mientras cu polisnan di trafico na e sitio por a haci nan parti hunto cu Forensys.
Chauffeur di e Accent a wordo hiba Hospitaal. Takelwagen tawata necesario pa move ambos auto for di e caminda y tambe mester a haci limpi, debi na e partinan di e autonan cu a spart riba caminda.
