Diamars anochi rond di 10’or y mey a sosode un accidente basta fuerte riba e caminda di Tamarijn.
Polis y dos ambulance a sali pa e sitio.
Na sitio cu ta altura di Tamarijn 54( un area conoci pa accidentenan) polis ta topa cu e 2 autonan.
Tawata trata di Chevrolet y un Accent.
Ariba e caminda por a mira un lastro basta largo di brake, cu tawata di e Accent.
Testigonan a conta cu e Chevrolet a subi caminda for di banda pazuid, momento cu e Accent tawata biniendo cu velocidad basta halto.
Un persona segun nos a compronde a wordo hiba Hospitaal pa atencion medico mas avanza.
Na e mesun momento ey, probablemente 1km mas leu riba e mesun caminda aki, ta sosode un otro accidente serio.
