Diadomingo mainta a drenta informe di un accidente cu basta daño material banda di Pacifico na Paradera, mesora a dirigi un patruya na e sitio. Na yegada di e patruya a bin compronde cu aki ta trata di un accidente basta fuerte unda un auto Altezza bayendo pariba a perde control bay dal un auto contrario sigui bay dal riba un palo di lus causando cu coriente a bay den vecindario. Afortunadamente ningun hende a resulta herida.
