Diaranson anochi a drenta informe di un accidente cu hende herida riba E.J.”Watty” Vos Blvd., mesora a dirigi tanto polis como ambulans na e sitio. E ambulans cu tabata regresando su post na Wayaca tabata e prome pa yega na e sitio y a lanta e motociclista seriamente herida y pone den ambulans atende y transporte mesora pa hospital. Na yegada di e patruya ya caba e ambulans tabata den direccion di hospital. Investigacion pre-eliminar a indica cu e motociclista a bay subi e caminda net ora cu 2 auto tabata bini y e prome a haya e impacto cu e motorcycle a dal den dje den banda y esaki a pone e motocycle bolter y cay, e motociclista a cay riba caminda y e segundo auto lo a pasa riba dje fracturando su man y pia. Pa haci e investigacion polis a sera e caminda.
