Diabierna merdia a drenta informe di un accidente cu un persona herida na Caya G.F. “Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre 3 auto unda un dama chauffeur bayendo pariba riba Caya G.F. “Betico” Croes a bay dal fuertemente tras di un pick-up y a manda esaki dal den banda di un Honda Fit di direccion contrario. Na prome instante e dama den e Suzuki Swift tabata keha di dolor y a solicita ambulans p’e pero un rato despues e dolor a desaparece.
