Caya Punta Brabo – Diadomingo atardi den careda di 5:50 informacion a drenta cu tin un accidente serio altura di Hospitaal.
Na yegada di polis nan ta topa cu e accidente ariba e crusada cu ta bay Hospitaal, tawata trata di 2 brommer. Un di e motociclistanan tawata ariba suela y tawata sangra.
Tawata trata di 2 brommer Suzuki, cu pa un of otro motibo a accidenta y uno a resulta seriamente herida na cabes y rudia.
Varios patruya a presenta na e sitio pa yuda, pero no tawata tin mucho cos pa a wordo haci.Paramediconan na e sitio mesora a drenta den accion pa stabilisa e motociclista herida.
Polisnan di departamento di trafico a yega pa tuma dato di locual a sosode.
Mester remarca cu e otro motociclista tawata envolvi algun tempo atras den un accidente di brommer na Jucuri, unda cu e la dal un cacho lagando e herida.
