Diasabra anochi den careda di 8’or varios unidad policial a bay cu urgencia panort di rotonde Cumana cu ta bay pa Sero Patrishi. 
Na prome instante automobilistanan a papia di un accidente hopi serio.
Na yegada di polis a resulta cu tur esnan envolvi tawata bon.
Na e sitio nos por a mira e tres autonan envolvi, uno tawata un BMW y e otronan tawata un Altezza y un Toyota.
Na e sitio chauffeur di e Altezza a conta nos cu e tawata den e liña robes bayendo direccion Paperclip rotonde y a wordo gedal di patras door di e BMW. Esaki a causa cu e chauffeur a perde control completo ariba su vehiculo y den e maniobra e la dal e auto Toyota pone baha caminda parti pariba.
Mientrastanto e chauffeur di e Altezza a trata di domina e auto pero no ta logra y a kita bay na su man robes subiendo e berm rancando un palo di luz. 
Na final e la keda parcialmente ariba e otro via cu bay zuid o sea direccion rotonde Cumana.Aki nan por a sosode un accidente mas serio ainda si tawata tin trafico yegando.
Na final nos a compronde cu un chauffeur a wordo deteni pa core auto bou influencia.
Caminda a keda cera pa algun rato pa asina esnan encarga cu e mantencion di e Boulevard por a kita for di caminda locual a wordo kibra.
Takelwagen a presenta pa bay cu e autonan cu no por a move ariba nan propio forsa.

LEAVE A REPLY

Please enter your comment!
Please enter your name here