Diadomingo madruga a drenta informe di un accidente cu hende herida entre un scooter y un auto banda di Marriott, mesora a dirigi Tanto polis como ambulans na e sitio. Na yegada di e patruya a bin compronde cu aki ta trata di un accidente unda un motociclista a slip riba e rotonde y a dal abao heridando su mes bao su cachete. Na yegada di e ambulans nan a cuminsa atende y na un dado momento amigonan di e victima a dicidi pa traha un tik tok di e accidente aki y ora victima a drenta den e ambulans e amigo tambe a drenta y e personal di ambulans a avise cu no mag di ta eyden pero e no kier a sali for di e ambulans. Polis mester a haak adenpa informa nan cu esey ta e protocol y nan mester respeta esey. Finalmente nan a compronde cu berdaderamente esey ta e caso y nan a baha. E herido a ser trata eynan mes.
