J.E. Irausquin Blvd – Diahuebs merdia den careda di 1’or polis y ambulance a bay dilanti Riu Hotel, unda a sosode un boksmento cu hende herida.
Na yegada di polis nan a topa cu un Nissan Versa memey caminda y cu daño material na su banda drechi. Banda di dje tawata e otro auto cu ta un Hyundai Santa Fe taxi.
Segun informacion, e taxista lo a caba di baha hende na e hotel, y ora e la sali pa subi caminda a ripara cu e Nissan Versa tawata haci straño.
Asina mes e taxi a sigui bay nort y aparentemente lo no a spera cu Nissan Versa v-car lo yega bira pa bay parkeer pariba di caminda.

Esaki a causa cu e taxi lo no por a evita mas y ta dal contra e porta na banda drechi di e Versa.
Un persona den e Versa a resulta herida. Na yegada di Ambulance e paramediconan a trata e herido na e sitio mes.Trafico si a pega pa un rato.

LEAVE A REPLY

Please enter your comment!
Please enter your name here