Diabierna anochi 9’or y mey pasa a sosode un accidente entre varios vehiculo y un brommer.
For di un testigo cu a bati alarma nos a sa cu bou di un di e vehiculonan envoli un persona ariba brommer a pega. Pues automobilistanan cu tawata pasando eynan a mira con algun hende tawata trata di lanta of hala un vehiculo pa saca un persona for di abou di dje.
Materiaalwagen a wordo pidi pa yuda mescos cu varios ambulance tambe a tawata rekeri, esaki tawata debi cu tawata tin mas cu un persona herida.
Un batayon di polis a yega e sitio, unda cu a bay over na cera rotonde di Pos Chikito full.
Polisnan a topa cu un caos na yegada, unda cu a bin topa cu un accidente entre varios auto. Pues polisnan mes mester a bay busca ta kiko a pasa.
Un persona a wordo transporta cu urgencia pa Hospitaal, mientras e otro por a bay y wordo atendi na Imsan mes.
Un persona tambe a wordo deteni na e sitio.
Caminda a permanace basta rato cera tanto pa polis haci un investigacion completo y alabes pa e personeel di Green Corridor haci e caminda limpi cu tawata tin masha hopi cos gespart ariba dje.
