Diadomingo anochi polis y ambulance a bay poco pabou di rotonde di Tanki Leendert pa un accidente di trafico.
Polis a yega y a bay atende cu e chauffeurnan, ambos a resulta di tawata stuur bou influencia.
E autonan envolvi ta un Ford maneha pa e cabayero y e otro ta un Renault maneha pa un dama.
Na e sitio nos a compronde cu e Ford tawata bayendo direccion pariba, y a haya confronta cu e Renault pa su mala suerte.
Segun version, e lo a trata na evita e boksmento.
Ambos a wordo deteni, unda cu polis mes lo a transporta e cabayero pa warda, mientras ambulance a yega pa controla e dama.
Ambos auto no tawata tin seguro valido.
