Diasabra atardi a drenta informe di un accidente na e crusada Emmastraat cu J.G. Emanstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto Hyundai biniendo for di Emmastraat no a duna preferencia na e Suzuki Swift biniendo for di J.G. Emanstraat y e Swift a dal e Hyundai bir’e poco mas cu 90 grado. Afortunadamente ningun hende a resulta herida.
