Diamars mainta den careda di 9’or habitantenan den ex Rondweg altura di 26 y 24 a haya un susto grandi, momento cu a scucha un zonido masha duro mes ariba caya.
Locual a sosede
Un Mitsubishi Montero biniendo di pariba y cu velocidad halto a hera dal un van di WEB trahando altura di e crusada Dadelstraat y ex Rondweg.
Na stuur di e Montero tawata tin un dama, cu a sigui bay pabou y ta dal un van di Setar, unda cu e empleado tawata bezig pa bay cuminsa traha ariba waya di Cable.
Suerte tawata cu e empleado
E van di Setar tawata staciona dilanti ex Rondweg 26 cu e porta habri patras. Aki ta unda e impacto ta tuma luga momento cu e Mitsubishi ta dal e van full force patras y lastra esaki mande contra cura di ex Rondweg 24.
Na ex Rondweg 24 tambe danki Dios ningun persona tawata pafo di e cura, sino lo tawata algo cu nos no kier imagina. E van di Setar a keda ge-press contra cura di 24 y tambe a dobla e meter di awa.
Ambulance a yegada despues di algun rato y por a mira un Paramedico cana cu e dama pa e subi Ambulance, unda e la wordo controla na e sitio mes pues e nada particular a pase.
Mester remarca cu habitantenan no ta di awor kier pa DOW pone drempel pa slowdown e velocidad cu e autonan ta core den Bebouwde kom.
Diamars mainta esaki a keda demostra despues di un accidente cu por a costa bida di hende, si e empleado di Setar tawata di lomba sacando material di e Van.
DOW atencion si por pone drempel unda e accidente a sosode debi cu ta eynan tur dia tin pasamento di auto y pustamento.Ban yuda e habitantenan prome cu un desgracia fatal sosode.
