Dialuna mainta trempan un truck di Arugas a haye envolvi den un accidente di trafico.
Ta asina cu e truck bayendo direccion di Pos Abou a haye confronta cu un Yaris biniendo pariba.
Na stuur tawata tin un dama, cu lo a pega soño na stuur.
Chauffeur di truck a trata na maniobra pa evita lo peor, pero asina mes e Yaris a sigui y dal pa despues bay cay parcialmente den e greppel.
Polis cu a yega a solicita pa ambulance y brandweer pa por saca e dama cu tawata tin dolor.
Segun nos a compronde, e dama lo a caba di traha un warda di anochi y lo tawata basta cansa y cancancioso posiblemente a pone cu e la bay soño tras di stuur.
Despues cu e la wordo saca di e auto, nan a transport’e pa Hospitaal.
