SOLO DI PUEBLO a sigui haya mas reaccion riba e acusacionnan cu Eddie Peterson, alias Jan Poets ta sigui lansa riba Guilfred Besaril, unda ta acuse di delitonan grave. Un fuente bon na altura a informa SOLO DI PUEBLO cu Besaril nunca a wordo acusa pa e delito aki, nunca a presenta dilanti hues, y defacto nunca a haya un vrijspraak. Di unda Jan Poets ta inventa semehante storia y lansa esaki den aire, no ta conoci.
Sin duda algun e acto di Jan Poets, kende ta pretende di ‘tin e berdad’ y cu ta papia di un ”vrijspraak” cu no ta existi ta algo hopi cuestionabel. Kico te meta tras di e difmacion aki ? Di unda ta inventa un “vrijspraak” cu no ta existi?
Ora ta menciona un vrijspraak, esaki ta algo cu solamente un hues por duna. Si un persona nunca a presenta dilanti hues, ta con e por haya vrijspraak? Pues algo chupa for di duim? Algo inventa pa Jan Poets? Cu ki meta?
Asina nos por mira con mediocre nos comunidad a bira, unda personanan cu lo mester sa mihor, ta hinca den nan cabes pa inventa un storia, cu no ta existi, pa asina pinta un otro persona preto. Mas peor ta cu personanan asina ta causa daño, pasobra hopi di nan siguidornan ta kere y confia cu loke nan ta skirbi ta basa riba berdad. Asina por observa reaccion furioso di siguidornan, unda e consequencia ta pa crea un instigacion.
SOLO DI PUEBLO a compronde cu no ta solamente lo tin un kortgeding contra Jan Poets, pero den e siman aki abogadonan a manda como 4 pa 5 peticion pa kortgeding, pa difamacionnan cu ta keda treci dilanti dor di varios otro persona contra di otro.
Na aña 2018, Melvin Tromp di AVP tambe a trece e acusacion aki dilanti contra Besaril, y den e caso ey Besaril a gana Tromp na corte y Melvin Tromp a haye obliga di rectifica. Por lesa e rectificacion di Melvin Tromp aki >>> https://24ora.com/rectificacion-di-melvin-tromp/
Nos ta lamente profundamente cu tin hendenan ta presta nan mes pa haci wega politico, unda ta inventa storia y no tin ningun prueba pa substancia nan alegacion. Crea odio, instiga, lanta falso testimonio riba bo prohimo, ta cosnan cu no ta corecto pa haci y riba dje ta usa nomber di Dios tambe! Nos lo sigui e desaroyo.
