E aña aki, Addonsito Croes tabatin e honor di tabata un di e actornan principal di e peliculanan local di Desiree Croes, E BRUHA, BRUHÁ 1 y E BRUHA, BRUHÁ 2. Tur dos filma pa e talentoso Semi Chahmi y su crew.
Despues cu parti 1 tabata bishita pa mas di 2000 bishitante den cinemanan local y priva, awor ta beurt di parti 2.
E siman aki a bay den premiére EBB 2 y ta pasa henter siman den The Movies Gloria, Principal y Renaissance.
Den tur dos pelicula, Addonsito ta hunga e rol di e biologo Francis Angela cu tin e naturalesa di Aruba y e proteccion di nos Shoco na pecho y ta dispuesto pa tuma medida contra su mes hefe, sr. Dijkhoff, hunga tremendamente pa Mirto Tromp, sabiendo cu e por perde su trabou. E ta kies parti di Genoveva, Margarita y Dudu, hunga excelente pa Desiree-, Yolanda Croes y Yvonne Tromp sosteniendo nan den nan lucha contra sr. Dijkhoff cu kier kita nan cas pa su propio beneficio.
Den E Bruha, Bruhá 2, cu ta un comedia basta gracioso y cu basta accion, Francis Angela ta poco mas importante y sr. Dijkhoff t’ey atrobe pa tuma revancha riba dje, Genoveva y Dudu. Tur esaki cu sosten di su pareha, zuiver hunga pa Lelicia Tromp. E cast ta yena cu personahenan conoci na Aruba y algun extra cu fantasticamente a hunga nan rol. Algun di nan ta Saraquita Offringa, Geraldine Laclé, Egmond Molina, Shajir Croes, Edwin Duijneveld, Georxinia Croes, Nigel Maduro, Lainda Hereira Westerhof, Safire Croes, Vivian Wong, Irina Croes, Javier Maduro, Rozy Zievinger, Jolanda-, Dylan-, Marina-, Lucinda-, Felomena Fingal, Joh-nius Noor, Jayden Richardson y friends, Eddy Campos, Lamar Phillips, Arianna Koolman, Mieckey Gravenhorst y Nathalie Laclé.
Addonsito ta gradici Desiree Croes y e cast masha hopi di a permitie di skirbi di historia hunto cu nan den e pelicula local miho bishita ultimo añanan y e continuacion di dje cu ta E Bruha, Bruhá 2.
Un y tur cu a mira EBB 1 no por perde EBB 2. Danki Prensa di Aruba. Cada un di miembronan di Prensa ta ser menciona y gradici den tur dos pelicula.
