E siman cu a pasa Colegio Santa Filomena a tene su graduacion anual pa e alumnonan cu a termina scol primaria cu éxito. Den Renaissance Convention Center, a tuma lugar e graduacion di total 22 alumno cu siguientemente ta bay scol secundario. E tema tawata Under The Sea y cada mesa tawata elegantemente dorna cu un acuarium cu pisca bibo den nan. Un poema traha p’e maestronan dedica n’e graduadonan a ser presenta door di e mc. E maestronan y klas di CSF ta klas 1 Juf Minchella, klas 2 Juf Zayenne, klas 3 Mr Sebastiaan/ Juf Magdaly, klas 4 Juf Elseline, klas 5 Juf Chanine, klas 6 Mr Niels y Mr Mario cabesante. A desea mr. Mario un pronto recuperacion. Algun scol menciona cu e alumnonan lo ta bay ta Filomena College MAVO, Abraham de Veer school, Colegio Nigel Matthew, St. Augustinus College y EPB San Nicolas.
E maestro di ceremonia pa mas cu 5 aña tawata mr. Addonsito Croes y e anochi ey a gradici Juf Magdaly cu a termina su estudio na IPA recien y ta maestra di 3de klas.
Meneer Sebastiaan Kraaijkamp a haci e oracion di bendicion y klas 6 a duna un bunita presentacion n’e publico presente. Potretnan ta cortesia di Mi Gran Señor Photography y mr. Addonsito Croes.
