Reverendo Pastoor Jozef Pelc y reverendo Diacono Michael Nicolaas di Parokia Birgen di Fatima, Dakota, ta invita tur parokiano y pueblo di Aruba en general pa un Santo Sacrificio di Misa y Ceremonia di “Adopcion di un yiu cu ta bay nace”. Esey ta un promesa pa haci oracion pa nuebe luna largo pa un yiu cu tin peliger den barica di su mama. E ceremonia promesa aki lo tuma lugar riba fiesta di Anunciacion di Angel Gabriel na Mama Maria, diamars 25 di maart pa 7’or di anochi na misa Parokia Birgen di Fatima Dakota. Por ricibi indulgencia di Hubileo pa medio di obranan di Misericordia y Caridad na fabor di Pro Bida. Santo Sacrificio di misa di 8’or di mainta ta sigui manera custumber. Boso presencia ta altamente aprecia.
