Despues di a funcciona pa 16 aña den parlamento di Aruba, Presidente Ady Thijsen a dirigi su ultimo reunion diaranson mainta cu a termina merdia. Ady Thijsen a gradici tur su coleganan parlamentario pa a traha cuatro aña hunto, cuatro aña cu no a bay facil.
Tambe a gradici e staf y personal di Staten di Aruba.
Ady Thijsen a repasa tambe e hecho cu e parlamento number 10 a transucuri mei mei di pandemia y esey tambe a trece su retonan.
Ayudantenan di fraccionnan tambe a wordo gradeci como tambe tu departamento cu ta traha hunto cu parlamento manera KPA y CEA. Varios compania cu tambe ta traha cu parlamento y cu ta brinda nan servicio na Staten.
Ady a bisa: Nos tur ta drenta, pasobra pueblo a escohe nos, y ningun hende no sa cuanto tempo bo ta bay keda den parlamento. Den e caso aki, Ady a siribi pais como parlamentario pa 16 aña y e ultimo cuatro añanan como presidente di parlamento.
Tambe Sr. Thijsen a elabora riba critica, cu ora bo ta den funccion, bo mester por siña wanta critica. Awor a bini e facebook, den un seconde nan a manda un cos y bay reken bo som awor.
Ady a sigui bisa cu ningun hende ta indespendabel. Ora bo haya e funcciona aki, haci bo best, haci lo maximo pa siribi pueblo.
Ady a gradeci su partido MEP, tur coleganan, fraccionnan y tambe parlamentarionan di otro partidonan. Diferencia di opinion ta democracia. Bida ta asina.
Nos por ta orgyuoso di parlamento number 10. Gradicimento na tur otro perosna cu a traha cu nan den e ultimo cuatro añanan. Danki p’e confiansa, danki pe respet y danki pe sosten.
Mensahe na parlamentarionan nobo y esnan cu ta keda:
Pa esunnan cu ta drenta y esunnan cu ta keda: Keda humnilde, keda cu respet y siribi bo pueblo dignamente. Debatenan fuerte ta bon, pero keda riba e punto. No bira personal. No falta respet. Pueblo ta sigui nos, ora nos mes como parlamentario ta bay for di sla.
Por Ultimo:
E interes general mester bin prome, interes di partido ta bin di dos y interes personal ta bin di tres. Ora bo ta den parlamento, desicion mester cay, importante pa pueblo.
Union:
Awor mas cu nunca nos pais mester di stabilidad, seguridad y trankilidad. Mester keda uni, diferencia di opinion mester tey, pero no tin lugar pa polarisacion ni instigacion.
Ban laga nos mes demonstra cu nos ta parlamentarionan y siribidornan di pueblo cu por honra pueblo esey.
Asina Ady a termina su ultimo reunion como presidente di parlamento.
SOLO DI PUEBLO ta felicita Ady pa su forma di a dirigi parlamento di Aruba. Boa presidencia di Ady por a tuma nota di un parlamento trankilo, cu por a debati, unda no a permiti shouro, malandro, of spektakleria. Ta spera cu e proximo presidente lo sa di sigui riba mes un maneho cu Sr. Thijsen.
