Den un declaracion haci pa Sr. Ady Thijsen na prensa, el’a splica riba e reunion “Marisol”, cu lo bay wordo yama probablemente diaranson otro siman. Segun presidente di Parlamento Sr. Ady Thijsen a splica:

Ta asina cu mi a combronde, cu mi a wake riba facebook, minister Marisol Lopez Tromp a manda un carta serca nos na parlamento. E carta awe ta wordo registra cu ta haye oficialmente. Bosa? mi ta keda hopi asombra! Tur hende a sigui e reunion cu a wordo trata den parlamento unda cu dos parlamentario di POR a dicidi di pidi un reunion publico anto e reunion publico tabata bay como agenda punt e opzegging di e vertrouwing den e minister di infrascultura, cual ta Sra Marisol Lopez Tromp y nos a trata e reunion y nos a cuminsa na eerste ronde y ta bay pa e di tweede ronde.

Ora nos a yega eynan, e mesun integrantenan of e parlamentarionan di POR a pidi pa schors e reunion. Pakico nan kier a schors e reunion? Pasobra nan tabata kier y nan a pidi pa minister president Sra Minister Evelyn Wever Croes por intermedia den e caso aki. Den caso aki di nan, pasobra e ta un problema di POR, ta nan a bisa, a nan a bin cu reunion, a nan ta papia di e opzegging di e vertrouwen y como ta nan a bin cu e reunion e ora ey como den calidad di presidente di staten a bisa okey. Mi a puntra Sra Marisol Lopez Tromp hopi duidelijk: Sra minister ta bay eens cu esaki? E di cumi “si”. E ora tabata diabierna anto den e caudro ey mi a schors e reunion pasobra el’a bay eens tambe cu esey. Y mi ta kere cu ami a sali for di punto di bista cu e asunto aki mester wordo regla mas lihe posibel.

Awor si nan kier mediate, anto nan ta haya e espacio pa hasie, pero mi a keda asombra atrobe ora cu e minister a disidi cu e ta bay Hulanda pa su mañan, anto e ora ya el’a disidi cu e ta bay, mi a kere cu e ta bay keda pa wak si e ta sali di e problema aki, e ora mi a dune oportunidad pa hasi su asuntonan na Hulanda. Mi por a yam’e atrobe y mi por yam’e y mi ta kere mi a splica e cos aki hopi biaha caba y e ta pon’i den e ley.

Mescos den e parti di sector priva trahador cu ta afor anto su dunador di trabou pidi’e pa bin, e tin cu bin. Den e caso aki e ta conta pa minister, e ta conta pa parlamentario y el’a pasa hopi biaha, pero mi ta kere mi no ta bay hasi’e. Mi ta lage handle cu su asunto paso ya nan kier palabra cu nan kier yega na un palabracionan porta nan por yega na un acuerdo cu otro.

Ora e la yega bek ami a sali bisa cu nan ta bay papia y berdad manera mi a compronde minister president cu sra Marisol Lopez Tromp a combersa, nan a papia. Mi ta wardando y esey ta e palabracion. Ami tin cu warda kico a sali afo, pasobra mi no por yama e reunion siendo cu nan no a keda cla cu esey paso esey tabata e bedoeling, pero ami ta asumi mi responsabilidad den esaki y e ta asina’ki cu e minister ta manda bo un carta pidiendo pa e reunion, e minister por manda carta, pero e conoce e reglanan, e regla ta asina ki: Ami ta disidi na momento cu mi ta bay pone un reunion bek, pero mi a bisa caba cu mi ta bay pone reunion, ki dia? Si ta p’ami mi a pone caba, pero pa respect, pa dunanan espacio, mi di mi ta pone eynan. Wel bij deze tabata, ya caba mi ta cana cu e idea pa pone otro siman, pasobra nos ta bay tin diahuebs un openbare bijeekomst, nos ta bay tin diabierna un openbare bijeenkomst, e ora mi ta kere cu mi ta bay pone riba diaranson awor, cu ta bay bin otro siman, porta e por bira dialuna of diamars tambe tur cos ta depende, paso nos ta den covid-19, tin hopi cos ta andando tambe, pero mi kier bay pone mas reunion tambe, reunionnan cu ta hopi importante manera esun di Parkietenbos Bos cu a wordo pidi, paso esey tambe ta un problema grandi.

Pero bij deze e reunion frequentemente ta pa diaranson cu ta bay bin anto cualkier cos si mi haya paso mi ta wardando riba e partidonan via minister president kiko a sali afo for di e mediation ey anto e ora ey si e bin, ban bisa mi haye awe of mañan porta e ta bira dialuna. Pero e no ta pasa diaranson, diaranson e tey, paso mi a splica cu e reunion ey ta bay siqui cu ta reunion hopi importante y tin hopi mas reunion cu ta bay bin.

Mi ta lamenta e cosnan aki, pasobra ta falta di experencia, bo ta wak cu nan ta nobato den politica, ami gusta bisa esey, laga nos ta serio den e caso aki, ora bo pidi un reunion cu e agenda su reunion, agendapunt ta cu opzegging vertrouwen den e minister, cu ta bo mesun minister. Prome cu esey, nan tabata den e reunion di press conference hunto cu nan e lider of mihor bisa Sr.Andin Bikker, nan tres a bay bisa cu nan no tin confiansa mas den minister, ta nan a bin cune, ta nan a pone reunion, ta nan supose di bin cu e mocion, pero nos tin cu trate, paso nos ta biba den democracia y si nan tin e problema, POR tin e problema, nos ta wak con e ta bay.

Sr. Thijsen a sigui bisa: Nos tin cu tuma un desicion. Awo cu tur hende a expect e parlamentarionan bin cu criterianan pasobra ora bo bisa “opzegging” bo mester bin cu criteria, no ta djis bo ta yega pa loco, NO! A resulta cu nan a pidi schorsing, ta nan a pidi schorsing, awo ami tin cu bay hasi boso trabou? NO, no ami ta presidente di Staten berdad, mi ta yama reunion, pero tin palabracion hasi cu nan mes a bin pidimi. Awo mi ta despensanan den esaki paso mi ta compronde pa nan, nan no ta compronde con e regla ta, pero e reunion ta bay wordo pon’i.

LEAVE A REPLY

Please enter your comment!
Please enter your name here