Diabierna atardi a tuma lugar e di dos edicion di AHATA Impact Award, organisa pa Aruba Hotel & Tourism Association (AHATA). E programa di premiacion a reconoce varios compania cu a destaca den e ultimo aña pa nan responsabilidad social y invercion den mehoracion di nos comunidad. Un panel di hurado independiente, forma pa 5 profesionalnan, a revisa y analisa 33 aplicacion di companianan cu ta dedica tempo y recursonan na crea un impacto positivo den nos comunidad.
![](https://solodipueblo.com/wp-content/uploads/2024/06/Judges-AHATA-Impact-Award-.png)
Pa medio di e criteria oficial selecciona pa e hurado, a nombra un ganador pa cada un di e 4 categorianan di e AHATA Impact Award: “Representacion di Patrimonio Cultural”, “Desaroyo di Bienestar di Empleado”, “Proteccion di Medio Ambiente” y “Inversion Social”. Cada un representando un pilar di sostenibilidad.
![](https://solodipueblo.com/wp-content/uploads/2024/06/Environmental-Conservation-WInner-Tropical-Bottling-Company-1024x858.png)
E ganadornan di e AHATA Impact Award 2024 pa nan esfuerso excepcional na bienestar di nos isla ta:
- La Cabana Beach Resort pa “Representacion di Patrimonio Cultural”.
- Aruba Marriott Complex pa “Desaroyo di Bienester di Empleado”.
- Tropical Bottling Company pa “Proteccion di Medio Ambiente”.
- De Palm Corporation pa “Inversion Social”.
![](https://solodipueblo.com/wp-content/uploads/2024/06/Employee-Wellbeing-Winner-Marriott-Complex-1024x858.png)
Durante e ceremonia, Presidente y CEO di AHATA, Tisa LaSorte, a entrega un escultura di brons haci na man pa artista Gilbert Senchi na e 4 ganadornan. Adicionalmente, 4 compania cu tambe a demostra gran contribucion na nos comunidad a ricibi un mencion honorabel. E mencionnan honorabel ta: Aruba Marriott Complex pa “Representacion di Patrimonio Cultural”, Divi Resorts pa “Desaroyo di Bienester di Empleado”, Amsterdam Manor Beach Resort pa “Proteccion di Medio Ambiente” y Tropical Bottling Company pa “Inversion Social”.
![](https://solodipueblo.com/wp-content/uploads/2024/06/Culture-WInner-La-Cabana-1024x858.png)
AHATA ta orguyoso di e dedicacion inmenso di e ganadornan y ta gradici tur compania cu ta inclui metanan di sostenibilidad den nan plan anual y ta tuma accion pa contribui na un cambio positivo na nos isla. Cu e exito di AHATA Impact Award, e asociacion ta cumpli cu un di nan metanan principal pa apoya comercio sostenibel y ta spera di por inspira mas participacion y dedicacion di e mundo comercial na practicanan y iniciativanan cu gran impacto cultural, laboral, ecologico y social.
![](https://solodipueblo.com/wp-content/uploads/2024/06/Social-Investment-Winner-De-Palm-Corporation-1024x858.png)
E panel di hurado, cu a dedica nan tempo y conocemento na e programa di premiacion, a consisti di:
Daniel Tecklenborg – Director di CEDE, Rosabelle Illes – PHD den Psicologia y Miembro di Facultad
di Universidad di Aruba, Jan Noordzij – Director di Advance Human Resource Services, Francielle
Lacle – Advisor di Desaroyo Sostenibel, y Edjean Semeleer – Cofundador di Go Cultura Foundation.
AHATA ta gradici e patrocinadonan di e evento ceremonial: Alhambra Ballroom, Elite Productions,
y BEE4 Consultancy and Events.
Pa mas informacion di e esfuersonan sostenibel di cada 33 nominacion pa AHATA Impact Award
2024, bishita ahata.com/impact-awards.