Tisa LaSorte (AHATA):
E situacion di Aruba ta uno transitorio
Tisa LaSorte, durante su disertacion durante e cumbre cu Gremionan sindical y comercial, a indica cu e Landspakket, por mira un reforma cu enberdad tin hopi tempo papiando di dje, ya prome cu e crisis, bayendo bek na 2014. Ta papiando di varios di e elementonan cu tin den e landspakket aki. Esey ta mira como algo positivo cu por ta tin un proceso cu por accelera e puntonan ey.
Si ta spera cu tin participacion di Aruba. Durante e cumbre tin e oportunidad pa compronde kico e reforma kiermen y ki beneficio tin pa henter comunidad. E ta un situacion transitorio y ta algo cu tin cu corda cu loke ta papiando di dje, ta un situacion transitorio cu ta trece nos na un economia mas resiliente y un era nobo pa Aruba, cual ta uno positivo.
LaSorte a menciona di ta di acuerdo cu nos tur por, pero den pasado tambe, ora cu a logra, a logra toch cu ayudo di inversionistanan di afo. Awo tambe ta den un situacion di un inversionista di afo cu ta bin yuda atrobe. Ta keda positivo y ta keda apoya e proceso pa por yega na un acuerdo pronto y prome cu e likides cu tin yega na su final.
