Seconde despues di subida i momentonan prome cu e vuelo di Air India a accidenta luna pasa, e fuel pa ambos motor di e avion a wordo corta, segun investigadornan a bisa diasabra mainta, den un evaluacion preliminar basa riba e grabacionnan di vos i data di e Boeing 787.
E investigacion preliminar a revela cu fuel pa e dos motornan di e avion di Air India a wordo corta intencionalmente poco despues di subida, causando un accidente mortal dia 12 di juni cu 241 persona abordo.
Segun e report di Bureau di Investigacion di Accidente Aeronautico di India (AAIB), e switchnan di fuel pa motor 1 i 2 di e Boeing 787-8 a wordo poni na “CUTOFF” un tras di otro den apenas un seconde. Black box a graba un piloto puntrando e otro: “Pakico bo a cutoff e fuel? e otro ta contesta: “Mi no a haci esey.”
E avion tabata riba ruta pa London for di Ahmedabad ora cu e accidente a tuma luga den un zona residensial, causando e morto di 229 pasahero i tur 12 miembro di tripulacion. Un solo persona, Vishwashkumar Ramesh, a sobrebibi milagrosamente.
Air India a expresa nan dolornan i ta sigui cooperando cu e autoridadnan durante e investigacion
