Diamars atardi weganan di UEFA Champions League a continua unda cu e biaha aki den grupo C, Ajax di Amsterdam a enfrenta Besiktas di Turkia.

Ajax ta bin di un victoria contra di Sporting cu score di 5-1 mientras cu Besiktas ta bin di un derota contra di Borussia Dortmund cu score di 2-1.

Ajax ta conoci pa renoba su team constantemente y no ta keda cu hungador veterano, e biaha aki tin un ekipo bastante hoben y ta hungando bon futbol.

Na di 17 minuut di prome tempo Ajax ta bay ariba cu score di 1-0 cu gol anota pa Steven Berghuis y cu asistencia di Dusan Tadic.

Faltando 2 minuut pa prome mitar termina, anotado di prome gol Steven Berghuis ta duna Sebastian Haller un asistencia pa asina anota e di dos gol pa Ajax den e wega aki y haci e wega 2-0.

Asina prome mitar a termina cu score di 2-0 na fabor di Ajax.

Den di dos mitar, Ajax a keda domina e wega, tabata tin mas posesion di bala, pero no a logra aumenta e score, mientrs cu Besiktas tampoco a logra corta ventaha den e wega aki.

Asina tambe e wega a termina cu score di 2-0 na fabor di Ajax cu ta logra su di dos victoria den UEFA Champions League 2021/2022 y ta momentaneamente na prome lugar cu 6 punto, sperando resultado di wega entre Borussia Dortmund y Sporting.

Keda pendiente pa mas resultado di weganan di UEFA Champions League den Solo di Pueblo, Brillando Fuerte.

LEAVE A REPLY

Please enter your comment!
Please enter your name here