Solo di Pueblo awemainta a hiba un ameno conversacion cu PR di OM, Sra. Ann Angela riba e caso di Alan Howell. Desde cu e caso a sali den noticia, a keda den laira, si realmente Alan Howell ta un sospechoso. Alan Howell mes a sali bisa den un rueda di prensa cu e no a wordo apunta como sospechoso.
Awe SOLO a haña e confirmacion cu A.Howell a wordo apunta como sospechoso y a wordo interoga como sospechoso den e caso di Verduistering di placa di Fractie POR.
E hecho cu Alan Howell a bisa cu el’a wordo invita pa bishita landrecherche ( pa bebe koffie, y come pandushi), no ta berdad. El’a wordo “ontbied”, pues EXIGI pa presenta na landsrecherche pa duna cuenta di loke el’a haci. Si e no a cana yega voluntariamente, e ora e lo a wordo busca na su cas. Si el’a nenga di coopera, e chens lo tabata grandi cu e por a keda deteni tambe, mirando cu e no ta coopera.
Ta hopi sigur cu Alan Howell mester a declara tambe na landsrecherche cu e ta keda disponibel y na disposicion di husticia, pa cualke rato cu nan tin mester di dje.
