Comerciante socio di Nicolas Maduro
Diasabra a drenta e confirmacion cu e isla Africano di Cabo Verde a entrega Alex Saab na Merca. El’a wordo extradita. Despues di hopi bataya legal, Merca a gana su caso riba e peticion pa extradita e comerciante.
Alex Saab ta un Colombiano multi miyonario cu a haci masha hopi negoshi hunto cu Nicolas Maduro.
Tur e sosten di pakete di cuminda “clap”, tabata negoshi di Alex Saab y Maduro.
Awor e mester bay confronta husticia y lo aparece dialuna dilanti huez na Miami.
Nicolas Maduro a reacciona furioso; unda el’a manda stop e dialogo cu oposicion cu ta tumando lugar na Mexico. Alaves el’a laga detene 6 empleado di Citgo USA, rumannan Zambrano atrobe, como contra reaccion riba extraditacion.
