Director di WEB, Sr. Alfredo Koolman a informa riba blackout di dialuna mainta. El’a bisa cu WEB a constata un blackout pa 4.45 di marduga, unda a tuma lugar un incidente den planta. E motor Recip 4 a cay afor. Esaki a conduci cu a encontra un situacion extremo. E personal a haci tur esfuerso pa recobra e situacion. Gradualmente a haya un mayor vista di e problema. Despues hunto cu Elmar a cuminza reconecta. Pero den mes planta a bolbe encontra problema, rond di 8.or di mainta, cu a bay den di dos blackout. Cada bes mester a atende cu e origen di e problema.
E prome ves a pensa cu tin un determinacion di e problema, y e di dos blackout tabata nota un instabilidad. Djey a bolbe investiga y a determina e problema. Asina a recobra bek e suministro total pa algun minuut despues di 11.or di mainta.
Lamentabel:
Nos ta conciente cu esaki tin un impacto grandi. Nos ta conciente di esey. Nos personal cu alma y cuerpo a traha pa e periodo aki keda lo mas cortico posibel.
Como gerencia, tin den liña grandi kico ta e motibo. WEB ta pasando den un transicion, unda ta bay pa 100% motor. Mester consolida e motor RECIP4, motor di capacidad di ariba 100 MW. Nos mester custumbra cu e operacionnan, pero ta keda kinderziektes. Ta lamentabel, pero cada incicidente nos ta invistiga debidamente. Nos ta busca tur posibel scenario cu a contribui na esaki. Pa cada incidente nos ta determina e causa y asina tuma medida di ripiticion.
WEB ta pidi disculpa y e personal di WEB ta haci todo por todo pa recobra. WEB ta den un cambio, un transicion di planta, pa cual a causa esaki.
RECIP4 ta e motor cu tin mas eficiencia, pa reduci e gastonan di azeta, director di WEB, Sr. Alfredo Koolman a bisa.
