Secretario General di MEP: RFT no traha na na Corsow
Algemene Rekenkamer di Hulanda a constata cu RFT NO a funciona y na Aruba tin algun hende ta mendiga, hasta na rudia pa bin cu RAFT con cu ta.
Secretario General di MEP ta basta indigna riba e manera di hiba politica barata di cierto Parlamentarionan y partidonan politico. Tin algun cu un ansha di morto pa bende Aruba cu Hulanda y hasta algun prensa comprometi ta laga nan wordo usa manera un condoom.
Promer bo core entrega Aruba na Hulanda atrabes di un Rijkswet cu NO a traha na Corsow tampoco Sint Maarten ta bisa hopi di Bo como entreguista.
Corsow desde 10-10-10 tin un RFT cu no a funciona:
Desde 10 di october 2010 tanto Corsow y St Maarten a haña nan Status Aparte cual ta uno diferente cu e Status Aparte cu Betico a bringa pe cu sosten di pueblo di Aruba den su totalidad. Hulanda a paga hopi debe di Corsow y Sint Maarten y a tuma parti di debenan over. Asina Hulanda a paga pa Nederlandse Antillen Awg. 1.539.348.403 y pa Corsow Awg. 1.894.555.638 y pues 3.5 BIYON of 3500 MIYON florin na debe a cambio cu Corsow y Sint Maarten lo bay di acuerdo cu e Rijkswet RFT pa asina por tin e Financiele Toezicht riba e islanan aki. Por mira e informacion aki bek den publicatie di Staatsblad van het Koninkrijk der Nederlanden di aña 2010 # 354. Den rapport di Algemene Rekenkamer Hulanda Verantwoordingsonderzoek 2019 Koninkrijksrelatie (IV) en Bes-Fonds (H) por tuma nota con Algemene rekenkamer Hulanda a critica e RFT esta e Rijkswet bisando cu e no a funciona.
Textualmente: ”Op 10 oktober 2010 heeft Nederland het overgrote deel van de schulden van de landen Curaçao en Sint-Maarten overgenomen, zodat deze landen na de staatkundige vernieuwing een financieel gezonde start konden maken. Om herhaling te voorkomen, zijn tijdelijke toezichtsconstructies ingesteld. Deze constructies lijken onvoldoende effectief. De aanwijzingen door de Rijks- ministerraad hebben niet geleid tot begrotingen die voldoen aan de afgesproken normen of tot een substantieel hogere kwaliteit van het financieel beheer. Ook de rapportages van de ingestelde evaluatiecommissies lijken alleen in beperkte mate aan te zetten tothet realiseren van verbeteringen. Een wezenlijk andere aanpak is nodig.”
Recomendacion di Algemene Rekenkamer Hulanda na e Minister di BZK riba e hecho cu e Rijkswet na Corsow no a funciona: “We bevelen de minister van BZK aan om te onderzoeken onder welke voorwaarden een integrale aanpak gericht op het bevorderen van economische groei, een beheerst begrotingsbeleid en een degelijk financieel beheer succes kan hebben.”
Pues riba algo cu NO a funciona na Corsow awe Mansur, Marisol, Gerlien, Rycond, Gunn hunto cu algun prensa cumpra kier roga Hulanda pa introduci esaki pa Aruba cueste loke cueste. Nos no tin miedo di un supervision y ta pro pa bin cu algo cu ta traha y pa esey Bo mester curashi pa negosha na drechi cu Hulanda y no just hisa benta paso Hulanda di. No solamente mester tene cuenta cu cifras pero tambe kiko ta funciona y lo yuda Aruba di berdad como un isla cu un kleinschallig economie. Na Corsow e aanpak a stroba hasta e cresemento economico. Pues laga nos siña di error nan di pasado den Reino y hunto traha riba un modelo cu SI ta funciona unda tanto Hulanda por tin su supervision pero Aruba como pais tambe por keda desaroya unda cada concuidadano por forma parti di e desaroyo aki y por sinti esaki hasta den su cartera. Politica ta un arte y Politica no ta pa tur hende sigur no na esnan menciona mas ariba. Huntom nos lo logra!
