ORANJESTAD – Awe riba dia di prensa, nos ta para un rato keto, pa analisa con prensa den nos pais a degenera, birando un instrumento politico, pa placa y poder.
Claro cu nos no por generalisa, pasobra tin miembronan di prensa cu ta haci nan trabao cu tur honor y respetuosamente.
Sinembargo tin un otro grupo, cu a bira prosituta politico. Den nan ansha pa poder y placa, ya nan no tin ningun contenido informativo, pero nan a bay den extremo pa actua manera prostituta politico, bendiendo nan alma, cu partido politico, y asina bay over na lastra hende sin piedad ne forma di mas baho y cochino cu tin.
Awe, SOLO DI PUEBLO ta felicita tur miembro di prensa cu ta traha drechi pa siribi nos pais. Te hasta esnan cu a veces por tira den cualke direccion politico, pero sa di mantene etica y nivel.
Sinembargo, nos ta duna condolencia na e prensa cu a bende su alma, su ser, manera prostituta cu partido politico, unda no ta importa nan e trabao di prensa, pero ta USA prensa pa ataka, calumnia, rebaha y saca nan odio. Nos ta desea nan awe pa nan bay saca nan gal riba cadushi!
Nos no mester menciona ningun nomber di ningun prensa, pasobra tur hende sa ken ta ken, ken a bende su alma cu diabel y ken ta esnan cu ta cana den corectitud y ken te prensa prostituta.
