Diaranson atardi, parlamentario Sr. Alan Howell tabata na oficina di landsrecherche. El’a wordo invita dor di landsrecherche pa asina hiba su banda di medaya. Sr. Howell ta hopi contento cu e proceso a cana asina lihe, cu el’a haya e oportunidad pa wordo scucha. Segun Sr. Howell a bisa, cu el’a hiba tur e documentonan necesario, cu ta proba cu e no a haci nada malo.
Segun Sr. Howell, e no ta bay bisa nada mas pa awor, pero solamente lo keda enespera di Ministerio Publico y landsrercheche nan contesta, ora nan repasa tur e documentonan, pa asina cera e caso aki, unda no tin nada.
