Informacion a sali e siman aki cu Gobierno di Aruba a yega na acuerdo cu sindicatonan pa asina por duna tur empleado publico un indexering di 12%. Esaki ta algo regla den ley, unda Gobierno mester compensa e salario di trahadornan debi na inflacion. Asina varios ambtenaar a wordo notifica via nan sindicato.
Gobierno di Evelyn Wever Croes a tuma un decsion historico pa duna un suma asina halto, di 12%, sin cu sindicatonan mester a subi caya. A hiba un negosacion serio y fuerte y pa prome ves cu sindicatonan tambe a negosha cu madures , pasobra no a scucha mes cu nan tabata na mesa.
Ambtenaarnan a ricibi e noticia cu hopi emocion y alegria, ora cu e noticia a cuminza plama rond.
Masha pabien tur empleado publico pa boso aumento di salario cual ta e compensacion di aumento di costo di bida. Esaki ta posibel solamente cu un gobierno cu ta goberna drechi. E slogan na San Salvador ta bisa: Ora bo no horta e placa, e ta yega pa tur hende!!
Mester remarca cu ni sindicato ni Gobierno oficialmente no a bisa nada ainda, pero tur cos ta indica si den e direccion aki.
