Un vuelo di American Airlines cu tabata rumbo pa Aruba a haya problema riba Cuba y a bolbe bek Miami pa un safe landing. E vuelo, cu tabata transportando un grupo di pasahero, a dal un buelta riba Cuba prome cu piloto a tuma e decision pa bolbe bek Miami International Airport.
Unabes na Miami, e pasaheronan a wordo reubica riba un otro avion pa sigui nan biahe pa Aruba. Segun un fuente, tur hende tabata spanta, pasobra no tabatin un splicacion claro di kiko exactamente a pasa. Loke ta sigur, ta cu si un avion tin cu bolbe bek, ta mustra cu tabatin un problema serio.
E incidente aki ta bin den un epoca caminda hopi cos ta sosode cu avionnan rond di mundo, causando cu hopi hende ta sinti un sintimento di ansiedad ora di bai viaha. Pa e pasaheronan aki, nan biahe pa Aruba lo yega mas laat awor, pero loke ta importante ta cu tur hende ta sano y salvo.
American Airlines no a duna hopi detaye, pero ta spera cu lo sali mas informacion den e siguiente ora.
