Aña Nobo anochi… Un otro concierto regalo pa henter nos pueblo!

0
28

Comunidad por a disfruta di e concierto “Fin di aña na cas” cu Edjean y su invitadonan a presenta Bispo di Pasco y e anochi ey nos por a scucha for di Edjean cu e ta preparando un concierto di Aña Nobo pa ricibi 2021 cu hopi energia positivo y hopi alegria, apesar di tur circumstancia.

Dia 1 di januari 2021 pa 7’or y mey di anochi, Edjean Semeleer lo regala henter nos comunidad otro concierto hopi special. E biaha aki pa celebra e yegada di e aña nobo. Esaki lo ta otro estreno nacional y historico cu lo ta den cadena cu canalnan local di television.

E concierto aki lo por wordo disfruta via canalnan local di television manera TeleAruba canal 13, Nos Isla TV canal 23, Canal 22 y DiarioTV canal 48.

Usuarionan di e plataforma digital lo por disfruta di esaki tambe via Facebook Live riba paginanan: Edjean Semeleer, Go Cultura Foundation, Na drempel di fin di Aña, 24ora, Teamfilms, Power Fm y mas.

E concierto aki sigur lo aporta na haci e dianan aki sinti aun mas special, considerando e aña desafiante tras di lomba y tur e retonan pa cu e pandemia aki cu ainda nos ta sintiendo.

Un elenco impresionante di musico y artista a bini hunto pa presenta e serenata di Aña Nobo aki y asina haci e esfuerzo di alegra alma y curazon di tur esnan cu lo ta sinta den e calor y siguridad di nan propio hogar. Nos ta invita bo pa disfruta cu bo sernan keri di un concierto magnifico yena di alegria, optimismo y positivismo.

Compania y organisacionnan local Aruba Bank, New India Assurance, UNOCA, Prins Bernhard Cultuurfonds, Fundacion Go Cultura, Trash by Ronchi, Superfood Plaza, Setar NV, Universal Technologies Aruba, Subway, Dshop y Super DoIt Center a expresa nan orguyo y satisfaccion di a brinda sosten y apoyo na un iniciativa sumamente special cu lo bira otro produccion di un nivel excelente, presenta pa nos propio hendenan.

LEAVE A REPLY

Please enter your comment!
Please enter your name here