Diarason dia 14 di october ultimo, sr. Karel Arends, analista politico , a duna un presentacion via Zoom pa e studiantenan di e promer aña di e estudio Organization, Governance and Management (OGM).
Sr Arends a papia tocante di e historia politico di Aruba prome y despues di Status Aparte. Den su charla el a splica tambe e relacion entre e pueblo votador y e politico y alaves e importancia di norma y balor den e arena politico. Despues di e charla, studiantenan a haya oportunidad di haci pregunta na sr. Arends.
Cada aña e docentanan Luciano Milliard y Helmut Vink ta invita den cuadro di e curso Governance, Policy and Organization (GPO) diferente persona cu conocimento di e materia di politica y maneho. E meta ta pa e profesionalnan di futuro conoce di serca e lidernan cu ya pa hopi aña (t)a traha na bienestar di Pais Aruba den diferente funcion.
