Segun Patrick van der Biezen di Ministerio Publico a informa diabierna atardi, cu na 2010, ora cu e asesinato a tuma lugar, a cuminza investigacion mesora. Anderson Rasmijn aki ya tabata den bista di husticia y el’a wordo scucha como sospechoso. Na September 2011, e investigacion a stop. E caso a bira un cold case. Tabata na aña 2019 cu a cuminza di nobo y cu awe por presenta un caso dilanti huez.
Documentonan original a desparce:
Ora e team nobo a cuminza revisa e caso, nan a constata cu diferente documento original no tabata tey mas den e file di investigacion. E documentonan cu no tabatey mas ta entre otro e declaracionnan original di testigonan, unda nan a pone nan firma original. E proceso di corte ta rekeri pa entrega e procesverbaalnan original na huez, pero den e caso aki a entrega copia, pasobra no por haya e originalnan. Awor ta keda na huez pa evalua ki peso e ta duna e pruebanan ey. Nan no ta ilegal! Solamente cu nan no ta original.
Loke bin sali na cla y cu ta relevante ta cu testigonan a declara cu nan a wak e eynan, y despues Poentje a fayece. Nan a reconoce.
Grabacion di video:
Tin video camera tambe, ademas tambe, e propio declaracion di Anderson Rasmijn ta confirma cu e tabata ta eynan. A base di eseynan como tambe un grabacion, unda su persona, a wordo graba den un transportbus, hunto cu un otro preso, ta haya cu e pruebanan ta legal y convencente.
Den transportbus:
Tin grabacion entre dos persona, na momento cu ningun di dos no tabata sa cu nan tabata wordo graba. E momento ey, un a bisa otro: “dicon bo ta lagami tuma e culpa? t’abo tin cu bisa e berdad manera el’a pasa. E grabacion ta confiabel y creibel, pasobra esaki ta un grabacion entre nan dos so, cu ta un grabacion hopi confiabel.
