E fin di siman tras di lomba e cantante Angela Croes, a brinda un publico grandi di fanaticada su concierto romantico di 2026.
Angela Croes, tawata compaña pa e banda di e barco Freewinds cu net prome cu e concierto a brinda algun cancion conoci n’e publico manera Sweat (A la la la la long). E mc tawata Jani Croes.
Algun cancion cu Angela Croes a presenta, y cu hopi aplauso a ricibi, tawata Hijo de la luna (Mecano), Con los años que me quedan (Gloria Estefan) y Open Arms (Journey).
Un y tur a bay cas contento y cu aprecio grandi pa e artista di bos di oro aki cu a haci di Aruba su di dos patria. Manera e mes a bisa cu su amor pa Aruba ta hopi grandi y ta un placer di cada biaha brinda su concierto na su publico stima.
