WILLEMSTAD; Banco Central di Curacao y Sint Maarten a gana caso contra Hushang Ansary. Na okctober corte a scucha e propio Hushang Ansary mester a presenta den corte na Curacao pa tratamento di e caso den su contra. Den corte a bin sali na cla cu Ansary lo a hinca Ennia den un defecit y haciele insolvabel pa mas cu 700 miyon florin. Abogado di Ansary, Murray a bisa den corte cu tur e acusacion di Ennia y Banco Central komo ENNIA contra Hushang Ansary ta bruha, y no ta cuadra cu realidad.
E caso a keda entama pa ENNIA Caribe Holding N.V. (ECH), ENNIA Caribe Leven N.V. (ECL), ENNIA Caribe Schade N.V. (ECS), ENNIA Caribe Zorg N.V. (ECZ) y EC Investment B.V. (ECI), tur hunto ENNIA c.s. kontra di Hushang Ansary, Parman International B.V. (PIBV), Nina Ansary, Abdallah Andraous, Ralph Palm y Gijsbert van Doorn, tur hunto Ansary c.s.
Segun novela financiero aki, ta mustra cu Ansary a drenta ENNIA na aña 2006 cu promesanan cu e lo hinca placa pa hasi e compania di seguro uno mas solido, pero den corto tempo el’a cuminza saca placa na granel. Grupo Ansary a saca 223 miyon florin for di ENNIA.
Corte a baha pisa riba e Raad van Toezicht cu a cera wowo of coopera pa laga e mal maneho tuma lugar. Pesey tambe a tene e miembronan di raad personalmente responsabel pa 1 biyon florin. E 1 biyon no ta solamente e placa cu nan a lanta for di Ennia, pero tambe e daño ocaciona.