Meymey di nos tin hendenan cu ta kere cu ta e bida aki na mundo so nos tin y nada mas, anto esey ta pone cu nan ta biba pa biba y ta tuma un actitud hostil y no ta tene cuenta cu den Hesus nos tin bida eterno, e super versiculo di Huan 3,16 ta afirma esey bon cla. Nos tin cu pidi Spirito Santo yena nos cu su donnan: Sabiduria, conocemento, conseho, comprendemento, fortalesa, caridad, dominio propio, p’asina nos por cumpli cu Dios su boluntad; esey ta e manera cu nos por carga speransa di un bida eterno paso e bida aki kier of no ta pasahero y ta mas cortico cu nos ta pensa.Rumannan, tambe nos no por lubida e Sacramentonan , specialmente Confesion y Eucaristia (Santa Comunion) y e Mandamentonan. Rumannan ey nos ta ripara cu Hesus mes ta busca tur manera pa nos drenta y keda den Su amor y despues lanta nos for di morto. Kico mas prueba di Amor nos mester? Ki mi ta warda pa somete mi mes completamente na Hesus?
Oracion: Santa Trinidad aumenta mi fe pa lucha pa bida eterno den e reino di luz, amor, paz y alegria. Hesus den Bo mi ta confia. Amen.
