Recientemente Minister di Enseñansa y Deporte, Sr. Endy Croes, a anuncia cu e Weganan Escolar (WE) Aruba 2023 lo tuma luga di 26 di mei pa 10 di juni proximo.
Evento unda ta anuncia Weganan Escolar (WE) Aruba 2023. Ministerio di Enseñansa y Deporte y IBISA a lansa WE Aruba pa prome biaha na 2022, cu tabata un exito.
Ya tur cos ta cla pa e weganan escolar cuminsa. E seleccionnan ya a tuma luga y e finalnan lo cuminsa dia 26 di mei proximo. E aña aki, 40 scol a clasifica y ta cla pa duna nan maximo pa e exito di e weganan escolar y e entusiasmo y alegria cu esaki lo trece cu ne. Pa e weganan escolar tur ekipo lo haya uniform.
Prome Minister Evelyn Wever-Croes tambe tawata presente na e ocasion pa duna su apoyo na e di dos weganan escolar 2023. E ministernan a gradici IBISA, stakeholders y tur e scolnan cu ta participa y e mayornan cu ta stimula nan yiunan.
Prome Minister ta haci invitacion pa Aruba henter, mayornan muy especial, pa apoya nos muchanan henter e siman aki 26 di mei pa 10 di juni durante e gran campeonato di Weganan Escolar. Ta desea tur scol, tur atleta hoben, tur docente y tur mayor, hopi exito den e WE Aruba 2023.
Evento unda ta anuncia Weganan Escolar (WE) Aruba 2023. Evento unda ta anuncia Weganan Escolar (WE) Aruba 2023. Evento unda ta anuncia Weganan Escolar (WE) Aruba 2023.
