Minister sra drs. Wyatt Ras, Minister sra. mr. Croes y directora di Directie Ouderenzaken, sra. Desiree Helder a haci apertura oficial di e edificio monumental Zoutmanstraat 1.
Historia ta conta cu e prome piedra na Zoutmanstraat 1 a wordo poni na aña 1910, construccion a sigiu y a finalisa na aña 1911. E edificio aki a fungi como cas di diferente departamento gubernamental. Desde 2024, Zoutmanstraat 1 a bira cas di Departamento di Asuntonan di Adulto Mayor y desde awe ta duna un bon bini oficial na Ban Studia y Education USA bou guia di sra. Rebecca Nadal y sra. Sylvienne Valdez. Ban Studia y Education USA ta dos iniciativa di Ministerio di Educacion.
E edificio aki recientemente a wordo restaura bou guia di Monumentenbureau pa segura cu caracteristicanan autentico di e edificio wordo preserva y no bay perdi. Actualmente e edificio aki ta un simbolo di e historia di Aruba den cual adultonan mayor y como tambe hobennan por haya guia y sosten.
Pa mas informacion por tuma contacto cu Directie Ouderenzaken na telefon: 280-5004 of via e-mail: info@doz.aw
