Aruba por wordo mira como e destinacion Mercedes Benz
Tin hopi hende na Aruba ta precupa cu Aruba ta birando caro y cu esaki lo por core cu turismo. Nan ta bisa cu tin destinacion mucho mas barata y cu turistanan lo kies pa bay otro isla.
Tur esaki ta resulta net lo contrario. Aruba ta un producto turistico unda Mericanonan tin hopi interes. Apesar cu Aruba por ta caro, nos ta sigui haya turista. Esaki tin di haci cu e mercado mes. Mescos nos por mira e autonan Mercedes Benz cu ta auto hopi caro. Un Mercedes por costabo 200 mil florin. Y nos ta mira cu tin e mercado pe. Tin hende ta cumpre y ta core cune. Esey kemen cu tin hende cu tin bon entrada. Nos por mira di otro banda un auto mas economico manera un Suzuki. E tambe tin su mercado.
Pues ta dificil pa haci comparacion of bisa cu turistanan lo bandona Aruba. Nos no ta kere esey. Tin turistanan cu tin placa y cu no kier bay e lugarnan barata, unda e seguridad ta malo. Pues Aruba apesar di ta caro, ta sigui atrea turista di Merca.
