Riba e cortamento unilateral di 136 miyon….
Knops a admiti cu e ta fout
Pero, Aruba no mester a tume asina serio
Secretario di estado Raymond Knops a admiti den su rueda di prensa diahuebs mainta, cu el’a actua unilateral, sin consulta, pa corta 136 miyon di prestamo for di Aruba.
E ta bisa tambe, cu Aruba no mester a tume asina, na malo, pasobra, Aruba por a acudi bek serca dje pa hasi un peticion pa haya dicho suma bek.
Loke si ta remarcabel te hecho cu Knops subtilmente, apesar cu e ta reconoce su error, toch kier benta e culpa riba Aruba y Prome Minister.
Riba e pregunta, cu si el’a pidi of haya un conseho di CAFT, Knops a bisa “no”! E no tin un conseho di CAFT, indicando asina cu e decision cu a wordo tuma ta un decision foi sla.
Knops de mes rosea, kier a saca su mes afor, bisabdo cu “Aruba no a firma”. Ta berdad, Aruba ni a firma, pero bo tin si riba bo desk, un rapport di CAFT, cu ta mustrabo kico e situacion ta, awor bo mes no ta confia o kere den CAFT?
Cu kico bo ta bezig? Ta Monopoly bo kier hunga of “mens erg je niet”?
Ta condenabel e actitud di Knops cu kier trapa riba pais Aruba y sin ningun consederacion kier logra su obhetivo pa haya control di Aruba.
