Armand Hessels ta ofende, insulta y lastra tur hende cu no ta comparti su opinion; El’a ataca Coppal cu storia falso

0
788

E ta keda peligroso…..Armand Hessles ta ofende, insulta y lastra tur hende cu no ta comparti su opinion….. Bo no ta victima,  bo ta agresor!

Un reaccion riba e mas reciente artiuclo treci pa Armand Hessels,  cu titulo “hende ta central”;

Armand Hessles sin ningun sorto di berguenza, ta cuminza su ponencia,  cu e tabata hopi ansioso pa e decision di Gobierno pa cu e pakete di exigencia di Hulanda wordo accepta, pero cual a converti den un resultado decepcionante.  Tanto pasobra no tin acuerdo ainda y como tambe cu tabatin e imprecion cu HUlanda a pone mas condicion.

HESSELS TABATA ANSIOSO PA GOBIERNO FIRMA PA CABA:

Si nos para keto un rato, nos ta puntra nos mes:  Con ansioso bo por ta?  Pa gobierno “firma pa caba”, un serie di acuerdonan cu ta totalmente  robes?  Sin pia ni cabes?  Puntonan cu ta erroneo, bruhativo,  unda esnan cu a traha acuerdonan, no sa mes, cu Aruba tin otro acuerdo cu Hualnda, den comparacion cu Curacao y Sint Maarten ?   

HESSLES TA LANSA CALUMNIA BAO NIVEL:

Ta chistoso cu Armand Hessels kier impone su opinion, su conclucion riba desaroyonan. Aki un bes mas por constata con Armand ta opera,  pasobra,  su prome conclucion ta cu  “e resistencia fuerte di un gran parti di e elite politico di ataño y esnan actual a pone un paro n’esaki.”  Segun Hessels: ” E perdida di NAN autonomia a resulta di ta un sacrificio mucho grandi.”

FALTA RESPET:

Nos mester lamenta profundamente con Hessels kier falta respet pa tur hende den e pais aki, tilda tur hende di cosnan, insinua cosnan baho, riba otro,  just pasobra nan no tin e mes un pensamento colonista cu su persona tin.

Di berdad cu Hessels kier hiba su lucha, a base di inventos, mentiras, calumnias?  Unda ta lansa acusacion cu cierto hendenan no kier,  pasobra nan lo perde NAN autonomia?  Nos ta haya Hessels hopi baho,  pasobra si un hende ta sali na defensa di un estado di derecho,  ta sali na defensa di un pais,  e no mag?    E no por tin un vision propio, manera tur persona normal lo tin?

KNOPS A ACTUA DI MALA FE:

E duda cu Hessels kier crea,  e flie ey no ta subi!   Nos no mester cuminza fantaseer!   Hulanda y CFT ta controla tur cifras di pais Aruba y nan ta conoci cu tur cifra di Aruba.  Gobierno di Aruba a schuif compromisonan di pago,  pa asina por a logra cumpli cu pagonan di salario.  Pues, e hecho cu Knops kier asumi, y cu Hessels kier defende,  un bes mas por mira e amor grandi cu Hessles tin pa Hulanda.  Mas tristo ta cu Hulanda nunca a comunica,  nan a hisa benta pa nenga e prestamo di juli pa september.

CRITICA RIBA COPPAL TA INFUNDA Y PURO INVENTO:  

Ta sumamente repudiabel con Armand Hessels mester ocuri na lansa su critica contra di Coppal, pa asina e sacia su sed di odio, unda e no gusta, e no ta soporta, cu tin poco hende na Aruba ta cu sali na defensa  di autonomia di Aruba.   Kico Hessels a haci?  El’a bay piki tres partido politico den Coppal,  asocia nan y nan pais cu corupcion, cu mal gobernacion, y e kier pinta Coppal como un organisacion criminal, y ta puntra su mes si e grupito aki mester convence Hulanda cu e no ta tuma e derechonan constitushonal di su partnernan den Reino mucho na serio?   
Den un investigacion hopi cortico, a bin sali na cla cu Armand Hessel a gaña atrobe !  Coppal ta consisti di mas 60 Partido Politico cu ta miembro, den full sur america,  centro america y caribe.   Awor,  bo mester ta hopi di mala fe, pa bay escoge (handpick) tres partido, y traha bo storia y bolbe kere cu nos lo mester kere!!     Bo critica treci dilanti, ta basa riba bo propio odio!

ATACA ARUBIANO:

Ta chistoso pa mira Hessels papia di ataca Arubiano.   Awor ta parce cu e kier bin yora cu “Na Aruba ta ataca Arubiano cu otro opinion personalmente y na forma ofensivo entre otro como ‘spion, paga pa Hulanda’”..    Con ta posibel cu bo ta hunga victima?   Siendo ta abo t’esun cu a start e guera contra Nel Oduber,  skirbi hala di disparate contra Nel, bay asina baho di insinua cosnan,  riba Nel su pensioennan?    De pot verwijt de ketel ???   Si tin un Arubiano cu tin añas ta ataca Arubiano, ta ABO!  Cu tur bo calumnianan cu bo a skribi y conta WODC, etc.  No bin bira storia pa hunga victima, pasobra abo no te e victima,  abo ta e agresor,  cu kier pretende cu Hulanda mester bin tuma over, y cu Arubianonan tin cu cera boca, pasobra Hessels a bisa!!!!  No ta pesey Hulanda via Gobierno di Aruba a duna bo fudacion un pago di 100 mil florin?

BUCHI PAROBES!

Aki no tin nadi haci cu mantene elite politico.   Y aki tampoco tin nadi haci cu 30 aña.   Aki ta un berdad tin,  esta cu den 8 aña,  Mike Eman a crea debe pa Aruba na rason di 4000 miyon florin,  kimando tur e cushinchinan, tur reserva cu Aruba lo por tabatin.   Dicon bo kier sconde y scapa e mal Gobierno di Mike Eman?

LEAVE A REPLY

Please enter your comment!
Please enter your name here