Art Rap Foundation ta anuncia e apertura di e open call “Echoes of the Islands: From Stories to Archives”, un residensia di arte contemporaneo di seis siman cu lo tuma luga di 1 di februari te cu 15 di mart 2026 na Zeer Tropisch Art House, San Nicolas, Aruba.
E residensia ta invita artista contemporaneo emergente for di Caribe Hulandes pa reflexiona di manera critico riba e memorianan di sclabitud y e historia colonial, no como relato historico sera, sino como proseso biba cu ta sigui influensia identiddt cultural contemporaneo. A traves di practicanan artistico basa riba investigacion, e programa ta propone un cambio for di historia herede pa creashon di archivonan bibo y contemporaneo.
E programa ta ofrese hospedahe y espacio di trabou, acompañamento curatorial, acseso na archivonan local y contexto di comunidad, intercambio cu artista local y un presentashon publico na final di e residencia. Tambe ta inclui pasahenan di avion, seguro di biahe y un aporte pa material y alimentacion.
E open call ta dirihi na artista cu ta conecta cu Aruba, Kòrsou, Boneiru, Sint Maarten, Saba y Sint Eustatius, cu ta traha den artes visual, performance, sonido, video y practicanan interdisciplinario.
E fecha límite pa aplica ta 24 di januari 2026. Por solicita e formulario di aplicacion via codigo QR, via WhatsApp na +297 560 2727, of via email na artrapfoundation@gmail.com.Echoes of the Islands: From Stories to Archives ta un iniciativa di Art Rap Foundation y ta wordo realisa cu sosten di Cultuurfonds Caribisch Gebied via e DNB Fonds.
