Minister encarga cu asuntonan di energia na Aruba, Sr. Glenbert Croes a informa cu durante su estadia na Merca, el’a topa cu representantenan di embahada di Ecuador pa asina sondia e posibilidad pa e compania di petrolio di Ecuador por bende Aruba fuel oil na un mihor prijs. Esaki ta pa por reduci e costo di produccion di awa y coriente. E deliberacionnan a cuminza na nivel gubernamental pa asina sonia tur posibilidad. Ta importante pa Aruba por haya prijs di fuel oil mas barata pa asina por reduci tambe e prijs di awa y coriente na Aruba. Tur e contactonan a keda estableci y awor desde Aruba lo sigui encamina e proceso pa por reuni cu Gobierno di Gobernador y despues lo pasa pa reuni cu Petro Ecuador pa asina hiba e deliberacionnan. Venezuela ta keda mas serca, Ecuador ta mas leuw, pero di tur manera mester busca un solucion temporal pa 30 luna, te ora cu e produccion di LNG gas por inicia.
